ទិវាគ្រូបង្រៀន ០៥ តុលា ត្រូវបានប្រារព្ធធ្វើឡើងក្នុងគោលបំណង ដើម្បីបំផុសនូវវប្បធម៌ និងប្រពៃណី នៃការរំឭកគុណូបការៈដ៏ថ្លៃថ្លាជូនចំពោះគ្រូបង្រៀននៅគ្រប់ភូមិសិក្សាទូទាំងប្រទេស ដែលគួកគាត់បាន និងកំពុងបំពេញការងារជាអ្នកអប់រំ និងជាសិល្បករផ្ទេរចំណេះដឹង និងជូនចំពោះគ្រូបង្រៀន ដែលបានចូលនិវត្តន៍ ឬ បានបាត់បង់ជីវិតទៅហើយក្ដី។ ក្នុងកម្មវិធីនេះ ក៏នឹងមានបឋកថារបស់ឯកឧត្តមបណ្ឌិតសភាចារ្យ ហង់ជួន ណារ៉ុន រដ្ឋមន្ត្រីក្រសួងអប់រំ យុវជន និងកីឡា ស្ដីពី «ការធ្វើបរិវត្តកម្មឌីជីថលក្នុងវិស័យអប់រំ និងការអនុវត្តវិធីសាស្ត្របង្រៀនថ្មី» ពិធីប្រកាសបានរង្វាន់ សម្ដេចតេជោសែន នាយកសាលាល្អ គ្រូបង្រៀនល្អ គ្រូបង្រៀនល្អភាសាខ្មែរ និងគណិតវិទ្យា ថ្នាក់ទី១ ទី២ និងថ្នាក់ទី៣ និងពានរង្វាន់សាលាស្អាតឆ្នាំសិក្សា ២០១៩ ២០២០ និងវេទិការពិភាក្សាក្រោមប្រធានបទ «តថភាព សក្ដានុពល និងឧត្តមានុវត្ត នៃការអប់រំឌីជីថល នៅកម្ពុជា»។

ក្រសួងនឹងរៀបចំការផ្សាយផ្ទាល់ទិដ្ឋភាពទាំងស្រុង នៃពិធីអបអរសាទរទិវាគ្រូបង្រៀន ០៥ តុលា តាមរយៈទំព័របណ្ដាញសង្គមហ្វេសប៊ុកផ្លូវការរបស់ក្រសួងអប់រំ យុវជន និងកីឡា (MoEYS Cambodia)។